Remexendo entre as fotos dunha fin de semana intensa, atopamos a do noso cativo exercitando a súa actividade favorita, ler. Hoxe, mentres agardabamos polos postres no balbordo dun animado xantar familiar, botamos en falta o aludido, fomos dar unha volta e “eureka”, aí o estaba, aproveitando as raiolas de sol para seguirlle a pista ás aventuras de Tintín. Tirámoslle un par de fotos e volvemos á mesa; el nin se decatou da nosa presenza. Iso si, avisámolo cando chegou o postre; tanto “desghaste” merece un premio.
…e que siga así.
Comentario por paideleo — 28 Novembro 2007 @ 1:13 am
Que lle dure.
Comentario por peke — 28 Novembro 2007 @ 11:32 am
tamen ao meu fillo lle gusta ler. Bueno, que lle lean porque ten 3 anos. Pero non importa porque con eses 3 anos xa descubriu o mais importante: as moitas vidas que agasalla un libro.
Comentario por torredebabel — 29 Novembro 2007 @ 2:35 am
Graciñas polo comentario.
Un grupo de 3º está a ler “As mans do medo”. Seica lles está gustando, mais aínda non o testeamos.
Como anécdota curiosa temos a petición dun rapaz para cambiar de lectura, pois comezara a ler o libro e despois non daba pegado ollo pola noite. Nunca tal nos pasara. Se cadra o autor tiña razón cando dixo que estes relatos mesmo podían chegar a dar medo.
Saúdos.
Comentario por Rdf — 19 Febreiro 2008 @ 12:24 am