Onte, véspera do día nacional para os seareiros de Rajoy I, déronnos por fin no taller o que eles chaman un vehículo de cortesía ou de substitución. Nós chamarémoslle “coche de consolación”, porque o arrecendo a novo que despide o habitáculo e o entusiasmo co que os rapaces o acollen, axuda a cangar máis animosamente a mágoa de deixar o ”buga” propio coas tripas ao aire. E matinando nisto da substitución, nun día coma o de hoxe, cheo de contaminación informativa, de bandeiras españolas e de falabaratos televisivos, ocorréusenos pensar o beneficioso que sería contar con políticos de cortesía, de substitución ou, por que non, de consolación. Aínda que moito nos tememos que o substituto podería tranquilamente igualar as babecadas do titular.
4 Responses to “CONSOLACIÓN”Leave a Reply |
Entries (RSS)
outubro 14th, 2007 at 2:51 pm
Igual que un coche de cortesi os poloticos de primeira liña como os de sustitucion non sei eu que resultado darían
outubro 14th, 2007 at 10:41 pm
Vaiche boa !. Se os políticos titulares son os que hai como esperas que sexan os suplentes ?.
Haberá que deixalos brincar e nós a comer pulpo.
outubro 16th, 2007 at 1:51 am
Témome que cos políticos (titulares e suplentes) non che hai moito que facer.
outubro 16th, 2007 at 10:24 pm
¡Ola! pois dame a min que tanto politiqueo, eche todo o mesmo, tanto suplentes coma os principais dirixentes, haiche moito conto.